Ixo eban las tapas de las cajetas de mistos. Se chugaba fen un triángulo y posán toz los que chugaban los mistos o cartonez en dentro. Dispués tiraban con el tacón de goma de un zapato o con la suela de goma de una espardeña desde una rayeta en el suelo que feban a cuatro o cinco metros. El que i quedaba primero eba el que saliba. Tiraba al triángulo a sacá cartonez, toz los que podeba. Cuan fallaba le tocaba tirá a otro. Si éste te chocaba el tacón tuyo te mataba y tenibas que dale toz los que abebas ganáu y no podebas chugá asta la partida que seguiba.
