Documento sin título

Historias

Deseos i pensamientos de Costa
¡Que m’enterren en las Forcas,
en la peñeta de San Sebastián!

En Graus, a 20 de enero de 1911

Costa se miraba, d’en del balcón del despacho, el mazizo de las Forcas, deseán de pensamiento i tamé de su pallabra, querí sé enterráu en ixe sitio. Como si d’endallí podé beyé i contempllá, a los pies de su tumba, la conflluenzia de los ríos Ésera e Isábena. All’igual que la gran parte de las dos riberas i el triángulo de las tierras, d’ende la sierra Güel, anda el morrón d’Aguilá, i como final, como vértize, one se unen los dos ríos.

Costa beyeba i s’imajinaba el monte del menzionáu triángulo de las tierras, dende Santaliestra, Besians, Perarruga, Torrobato, Torrodésera, La Pueblla Fantoba, Bellestá, Benabén, Torrlabá, El Solé parte de Güel, Llagüarres, Poziello, Capella, Graus, i algunos otros, como empapadas las tierras, dán riqueza i llenán las dispensas de tó ixa comarca.

Costa s’ancongojaba al bellelos pasá allegres i fen bulla, paezén que sólo teniban ganas de chugá i, pensaba i estaba en to lo azertáu, que en un día no mui llejano, l’agua sería el ben más preziau que tendría l’umanidá, y diba: “Cuan quieraz aprobechala, ya no nabrá remedio de tan escasa q’estará”. Por ixos motibos, y otros tamé prou fundamentáls, eba ellegíu como su última boluntá, sé enterráu en las Forcas, en la peñeta San Sebastián.

¿Qué no sabez one está la peñeta de San Sebastián?

Miratos d’ende Graus ixe mazizo de las Forcas. A la metá de llargo i a la metá de alto, ñai una peñeta suelta i al láu, otra en forma de llabadera, que d’inpués d’unos meses al ubago, n’el inbierno, el día 20 de enero, el sol ampeza a tocale una rayadeta, u sea, cuan el día s’allarga una ora. Ixo se miraba Costa, l’último 20 de enero de 1911, l’último gran día de su vida, pos desiaba, que tó la chen, cuan el día s’allarga, conprendese que toz tienen la ublligación de esbellugá. “Que se muevan la chen con bando, que la pereza se quede n’el cuarto uscuro, que s’arrincone tamé l’indiferenzia que sólo sirbe p’a fe entrepuzá al progreso i la llibertá”. “Fe las cosas con respeto i balentía. Que no se meta por debán al fanatismo. Yo, por esperienzia, ne salíu ben escarmentáu y escozíu to la vida”. “Este 20 d’enero de 1911, me despido de pallabra, porque escribí ya no puedo. Tomazlo como ejempllo, no pierdaz los ánimos, que toz pensen que cada año ñai la upurtunidá, n’este día que s’allarga i cada año torna ampezá”. “Que los indecisos s’acorden, un que sólo seiga de pensamiento, pos el deseyo d’este grausino, que siempre estará con éstas tierras i en estos ríos, como s’istase presente en las Forcas … en la peñeta San Sebastián”.

Nota: Estos pensamientos fueron transmitidos a D. Vicente Cereza, que escuchando sus sabias palabras recibió su fruto. Cuatro de sus hijos fueron maestros de primera enseñanza, D. Vicente, D. Enrique, Dña. Mª Cruz y Dña. Resurrección.

Luisón de Fierro